Stefnumótun, markmiðasetning, mat á tækifærum og ógnum, staðlaðir verkferlar, eftirlit með gæðum, meðhöndlun kvartana og ársskýrslugerð eru sjálfsagðir hlutir í rekstri fyrirtækja.

Gæðakerfi byggist á því að þessir þættir eru staðlaðir og endurskoðaðir reglulega til aukins gagns og gæða.   Það felur einnig í sér að lögum sé fylgt og öðrum skuldbindingum sem eigendur og stjórnendur fyrirtækisins undirgangast í rekstri þess.

Vottað gæðakerfi hefur staðfestingu frá viðurkenndum aðila á því að stefnu og verkferlum sé fylgt og byggir þannig upp traust viðskiptavina til fyrirtækisins.  Vottunarúttektir gefa gott aðhald og styðja við uppbyggingu og umbætur í rekstri fyrirtækja.

Innra eftirlit eru þær kröfur sem matvælalöggjöfin gerir til fyrirtækja sem höndla með matvæli.

Innra eftirliti er skipt í þrjá áhættuflokka þar sem flokkur 1 felur í sér minnsta áhættu og þar nægir að gera munnlega grein fyrir því hvernig góðum starfsháttum er fylgt. Þó þarf að skrá niður eftirlit með kælum og frystum og afgreiðlsu frávika.  Í flokki 2 er krafa um skriflega verkferla og skráningar á öllum þáttum innra eftirlits.  Í flokki 3 er krafa um HACCP umfram kröfur sem gerðar eru til 2. flokks.

Hér má sá dæmi um hvernig fyrirtæki eru flokkuð í þessa þrjá flokka:

Gæðastjórnunarkerfi skv. ISO9001 er val hvers fyrirtækis og félags. Aðferðarfræðin hefur alþjóðlega viðurkenningu og nýtist félögum sem stefna að vottaðri framleiðslu hvort sem það eru vörur eða þjónusta.

Með aðferðum gæðastýringar er unnið út frá stefnu fyrirtækisins.  Skipulag, áætlanir og verkferlar miða að því að uppfylla stefnuna.  Reglulega er fylgst með árangri í starfseminni og lærdómur dregin af því sem út af ber.  Áhersla er lögð á að standa við skuldbindingar og finna leiðir til umbóta.

• Gæðastýring er öguð aðferð við að ná fram gæðum sem stefnt er að.
• Gæðastýring gefur góða yfirsýn yfir reksturinn.
• Gæðastýring byggir hugvit og reynslu inn í ferla.
• Gæðastýring er nauðsynleg ef fara á fram á vottun á gæðakröfum.